BMC News Desk

ന്യൂഡല്‍ഹി: കേന്ദ്രമന്ത്രിസഭയില്‍ വീണ്ടും മാറ്റം. കേന്ദ്ര സഹമന്ത്രി എസ് പി സിങ് ബാഘേലിനെ ആരോഗ്യ വകുപ്പിലേക്ക് മാറ്റി. ആരോ​ഗ്യ-കുടുംബക്ഷേമ വകുപ്പ് സഹമന്ത്രിയായാണ് നിയമിച്ചത്. ഇതുസംബന്ധിച്ച ഉത്തരവ് രാഷ്ട്രപതി പുറപ്പെടുവിച്ചു. കേന്ദ്ര നിയമവകുപ്പ് സഹമന്ത്രിയായിരുന്നു എസ് പി സിങ് ബാഘേല്‍. ഇവിടെ നിന്നാണ് ആരോഗ്യ വകുപ്പിലേക്ക് മാറ്റിയത്. നിയമവകുപ്പിന്റെ ക്യാബിനറ്റ് മന്ത്രിയായ കിരണ്‍ റിജിജുവിനെ നേരത്തെ മാറ്റിയിരുന്നു. റിജിജുവിനെ ഭൗമശാസ്ത്ര വകുപ്പിലേക്കാണ് മാറ്റിയത്. പകരം അര്‍ജുന്‍ രാം മേഘ്‌വാളിനെ നിയമവകുപ്പിന്റെ സ്വതന്ത്ര ചുമതലയുള്ള മന്ത്രിയായും നിയമിച്ചിരുന്നു. അര്‍ജുന്‍ രാം […]

കൊച്ചി: പട്ടാപ്പകൽ കെ.എസ്.ആർ.ടി.സി ബസിൽ വെച്ച് സഹയാത്രക്കാരിയോട് മോശമായി പെരുമാറിയ യുവാവിനെതിരെ കേസെടുത്ത് പോലീസ്. യുവനടിയായ യുവതി തന്നെയാണ് തനിക്കുണ്ടായ അനുഭവം വീഡിയോയിലൂടെ സോഷ്യൽ മീഡിയ വഴി പുറത്തുവിട്ടത്. യുവാവിനെതിരെ വീഡിയോ സഹിതമായിരുന്നു ചലച്ചിത്രതാരവും മോഡലുമായ യുവതി തനിക്കുണ്ടായ അനുഭവം തുറന്നു പറഞ്ഞത്. വീഡിയോ വൈറലായതോടെയാണ് പോലീസ് കേസെടുത്തത്. കോഴിക്കോട് സ്വദേശി സവാദിനെതിരെയാണ് നെടുമ്പാശേരി പൊലീസ് കേസെടുത്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. കഴിഞ്ഞ ദിവസം അങ്കമാലിയിൽ വെച്ചാണ് സംഭവം നടന്നത്. തൃശൂരിൽ നിന്നും എറണാകുളത്തേക്ക് ഷൂട്ടിംഗിനായി […]

സംസ്ഥാനത്ത് ഇന്നും ഉയർന്ന താപനില മുന്നറിയിപ്പ് .എട്ട് ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ഈ ജില്ലകളിൽ രണ്ട് ഡിഗ്രി മുതൽ നാല് ഡിഗ്രി സെൽഷ്യസ് വരെ താപനില ഉയരാം. കോഴിക്കോട്, പാലക്കാട് ജില്ലകളിൽ ഉയർന്ന താപനില 37 ഡിഗ്രി സെൽഷ്യസ് വരെ ഉയരാം. കണ്ണൂർ, കോട്ടയം, കൊല്ലം, ആലപ്പുഴ ജില്ലകളിൽ  ഉയർന്ന താപനില 36 ഡിഗ്രി സെൽഷ്യസ് വരെ ഉയരാം. മലപ്പുറം, തൃശ്ശൂർ ജില്ലകളിൽ ഉയർന്ന താപനില 35 ഡിഗ്രി സെൽഷ്യസ് വരെയാകാം.അന്തരീക്ഷ ആർദ്രതയും ഉയർന്നതായതിനാൽ അനുഭവപ്പെടുന്ന […]

മനാമ : ബഹ്റൈൻ-ഖത്തർ വിമാന സർവീസുകൾ ഈ മാസം 25 മുതൽ പുനരാരംഭിക്കും. ബഹ്റൈൻ സിവിൽ ഏവിയേഷൻ വിഭാഗമാണ് ഇക്കാര്യം പ്രഖ്യാപിച്ചത്. വർഷങ്ങളുടെ ഇടവേളക്ക് ശേഷമാണ് സർവീസുകൾ പുനരാരംഭിക്കുന്നത്. ഇരു രാജ്യങ്ങളും തമ്മിലുള്ള നയതന്ത്ര ബന്ധം പുനഃസ്‌ഥാപിക്കുന്നതിന്റെ ഭാഗമാണിതെന്നാണ് ഏവിയേഷൻ വിഭാഗം അറിയിക്കുന്നത്. ഏപ്രിൽ 12ന് സൗദി തലസ്‌ഥാനമായ റിയാദിലെ ഗൾഫ് സഹകരണ കൗൺസിൽ ആസ്‌ഥാനത്ത് ഇരു രാജ്യങ്ങൾ തമ്മിലുള്ള ചർച്ചകളുടെ ഫലമായാണ് നയതന്ത്ര ബന്ധവും വ്യോമ സേവനയും പുനരാരംഭിക്കാൻ തീരുമാനിച്ചത്.

കണ്ണൂർ അഴീക്കോട് നീർക്കടവ് മോടത്തി വീട്ടിൽ ഷമി മോടത്തി (49) ആണ് മരിച്ചത്. മനാമയിൽ തയ്യൽ ജോലി ചെയ്ത് വരികയായിരുന്നു.അവിവാഹിതനാണ്. രവീന്ദ്രൻ മോടത്തി ആണ് പിതാവ്.ബഹ്‌റൈനിലെ മാതാ അമൃതാനന്ദമായി സേവാ സമിതിയുടെ പ്രവർത്തകനായിരുന്നു. മൃതദേഹ൦ തൊഴിലുടമയുടേയും,മാതാ അമൃതാനന്ദമായി സേവാ സമിതിയുടെ സഹായത്തോടെ നാട്ടിലെത്തിക്കുന്നതിന് ആവശ്യമായ സൗകര്യങ്ങൾ ഒരുക്കി വരുന്നു.

തിരുവനന്തപുരം: എസ്എസ്എൽസി പരീക്ഷാ ഫലം നാളെ. ഉച്ചയ്ക്ക് മൂന്നു മണിക്ക് പ്രഖ്യാപിക്കും. ഈ മാസം 20നു പ്രഖ്യാപിക്കുമെന്നായിരുന്നു നേരത്തെ അറിയിച്ചിരുന്നത്. നാളെ മൂന്നു മണിക്ക് പിആർ ചേംബറിൽ വിദ്യാഭ്യാസ മന്ത്രി വി.ശിവൻകുട്ടി ഫലം പ്രഖ്യാപിക്കും. കേരളത്തിലും ഗൾഫിലും ലക്ഷദ്വീപിലുമായി 2,960 പരീക്ഷാ കേന്ദ്രങ്ങളിൽ 4,19,554 വിദ്യാർഥികളാണ് ഇത്തവണ പരീക്ഷ എഴുതിയത്. ഇതിൽ 2,13,801 പേർ ആൺകുട്ടികളും 2,05,561പേർ പെൺകുട്ടികളുമാണ്. മാർച്ച് 29നാണ് പരീക്ഷ അവസാനിച്ചത്.

ബഹ്‌റൈൻ : പ്രവാസി ലീഗൽ സെല്ലിന്റെ സുരക്ഷിത കുടിയേറ്റം ക്യാമ്പയിന് ഉജ്ജ്വല തുടക്കം. മുൻ അംബാസിഡർ ശ്രീകുമാർ മേനോൻ ക്യാമ്പയിൻ ഉദ്ഘാടനം ചെയ്തു. മനുഷ്യക്കടത്തിലും മറ്റും അകപ്പെട്ട് ദുരിതമനുഭവിക്കുന്ന പ്രവാസികളുടെ എണ്ണം ക്രമാതീതമായി വർദ്ധിച്ചു വരുന്ന സാഹചര്യത്തിലാണ് സുരക്ഷിത കുടിയേറ്റം സംബന്ധിച്ച് ആഗോളതലത്തിൽ ബോധവത്ക്കരണ ക്യാമ്പയിൻ നടത്താൻ പ്രവാസി ലീഗൽ സെൽ തീരുമാനിച്ചത്. പ്രവാസി ലീഗൽ സെൽ ആഗോളതല വനിതാവിഭാഗത്തിന്റെ നേതൃത്വത്തിലാണ് ക്യാമ്പയിൻ നടക്കുന്നത് വിവിധ രാജ്യങ്ങളിലുള്ള പ്രവാസി ലീഗൽ ചാപ്റ്ററുകളുടെയും മറ്റ് സംഘടനകളുടെ സഹകരണത്തോടെയാണ് ക്യാമ്പയിൻ വിവിധ […]

കേരളത്തിലെ റവന്യു, സർവേ സേവനങ്ങൾ പൂർത്തിയാക്കാവുന്ന ‘പ്രവാസി മിത്രം’ പോർട്ടൽ 17 നു വൈകിട്ട് 4.30 നു മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. വർഷങ്ങളുടെ ഇടവേളകളിൽ ഏതാനും അവധിക്ക് കേരളത്തിൽ എത്തുന്നവർക്ക് റവന്യു ഓഫിസുകളിൽ സമർപ്പിച്ച അപേക്ഷകളുടെ തുടർനടപടികൾ ഇനി വെബ്സൈറ്റ് വഴി യഥാസമയം അറിയാമെന്നതാണ് നേട്ടം. ചുവപ്പുനാടയിൽ കുരുങ്ങാതെ അപേക്ഷകൾ വേഗത്തിൽ തീർപ്പാക്കാനും ഇതു സഹായകമാകുമെന്നാണ് വിലയിരുത്തൽ. പ്രവാസികളുടെ ദീർഘനാളത്തെ ആവശ്യം എത്രയും വേഗം യാഥാർഥ്യമാക്കുമെന്ന് റവന്യു മന്ത്രി കെ.രാജൻ നേരത്തെ വ്യക്തമാക്കിയിരുന്നു. നാട്ടിലെ വസ്തു സംബന്ധമായ പോക്കുവരവ്, വിവിധ രേഖകൾ, മക്കളുടെ ഉന്നത പഠനത്തിന് ആവശ്യമായ സർട്ടിഫിക്കറ്റുകൾ എന്നിവയ്ക്ക് വില്ലേജ് ഓഫിസ്, താലൂക്ക് ഓഫിസ് എന്നിവിടങ്ങളിൽ നൽകിയ അപേക്ഷകളുടെ തുടർനടപടികളും ഇതുവഴി അറിയാം. പ്രവാസികളുമായി ബന്ധപ്പെട്ട പ്രശ്നങ്ങൾ അതതു വകുപ്പുകളുടെ സഹകരണത്തോടെ പരിഹരിച്ചുവരികയാണെന്നും ഒടുവിലത്തെ ഉദാഹരണമാണ് പ്രവാസിമിത്രം പോർട്ടലെന്നും നോർക്ക സിഇഒ ഹരികൃഷ്ണൻ നമ്പൂതിരി പറഞ്ഞു. പോർട്ടലിലൂടെ ലഭിക്കുന്ന പരാതികളും അപേക്ഷകളും കൈകാര്യം ചെയ്യുന്നതിനായി കലക്ടറേറ്റുകളിൽ ഡപ്യൂട്ടി കലക്ടറുടെയും ലാൻഡ് റവന്യു കമ്മിഷണറുടെ ഓഫിസിൽ അസി. കമീഷണറുടെയും നേത്വത്തിൽ പ്രവാസി സെൽ പ്രവർത്തിക്കും. ഒരു പ്രവാസി മലയാളി ജില്ല/സംസ്ഥാന തല ഓഫിസുകളിൽ സമർപ്പിച്ച അപേക്ഷ/പരാതിയുടെ തുടർ നടപടി അറിയാൻ http://pravasimithram.kerala.gov.in എന്ന പോർട്ടലിൽ ലോഗിൻ ചെയ്ത് അപേക്ഷ സമർപ്പിക്കാം. ഈ അപേക്ഷ ജില്ല/സംസ്ഥാന നോഡൽ ഓഫിസറായ ഡപ്യൂട്ടി കളക്ടർ/ അസി. കമ്മിഷണർ എന്നിവർ പരിഗണിക്കും. ബന്ധപ്പെട്ട ഓഫിസുകൾ ഇതിന്മേൽ സ്വീകരിച്ച നടപടികളുടെ വിവരങ്ങൾ ലഭ്യമാക്കി പോർട്ടലിലൂടെ അപേക്ഷകന് കൈമാറും. 2020 ജനുവരിയിലെ ലോക കേരള സഭയിൽ ഉന്നയിച്ച പ്രധാന ആവശ്യങ്ങളിൽ ഒന്നാണ് ഇതിലൂടെ യാഥാർഥ്യമാകുന്നത്. വർഷങ്ങളുടെ ഇടവേളകളിൽ നാട്ടിൽ എത്തുന്ന പ്രവാസികൾക്ക് വിവിധ ആവശ്യങ്ങൾക്കായി സർക്കാർ ഓഫിസുകൾ കയറിയിറങ്ങി സമയം കളയുന്നത് ഇതിലൂടെ ഒഴിവാക്കാം.

ചാനല്‍ ചര്‍ച്ചയില്‍ പെണ്‍കുട്ടി പങ്കെടുത്ത പരിപാടിയുടെ വിഡിയോ കാണിച്ച് കുട്ടിയെ കുറിച്ച് മോശം പരാമര്‍ശം നടത്തിയതിന് ചാനല്‍ അവതാരകനും പാനലിസ്റ്റിനുമെതിരെ നിയമ നടപടിയെടുത്ത് ബാലാവകാശ കമ്മീഷൻ. വിനു വി. ജോണ്‍, റോയ് മാത്യു എന്നിവര്‍ക്കെതിരെയാണ് അന്വേഷണത്തിനും നടപടിക്കും ഉത്തരവിട്ടത്. പരാതിക്കിടയാക്കിയ ചാനല്‍ ചര്‍ച്ചയിൽ ഉടനീളം പരാതിക്കാരിയുടെ മകള്‍ പങ്കെടുത്ത ഒരു സ്വകാര്യ പരിപാടിയുടെ വീഡിയോ കാണിക്കുകയും, കുട്ടിയെ കുറിച്ച് വളരെ മോശം പരാമര്‍ശം നടത്തിയെന്നും കമ്മീഷന്‍ വിലയിരുത്തി.ഒരു മാപ്പപേക്ഷയില്‍ പോക്‌സോ നിയമത്തിലെ കുറ്റകൃത്യങ്ങള്‍ തീര്‍പ്പാക്കാനാകില്ലെന്ന് വാര്‍ത്താക്കുറിപ്പിലൂടെ കമ്മീഷന്‍  അറിയിച്ചു. […]

തിരുവനന്തപുരം :ജൂൺ ഒന്നിന് സംസ്ഥാനത്ത് സ്കൂളുകൾ പ്രവേശനോത്സവം നടത്തുമെന്ന് മന്ത്രി വി. ശിവൻകുട്ടി. പ്രവേശനോത്സവത്തിലൂടെ ഗംഭീര വരവേൽപ്പാണ് കുട്ടികൾക്ക് നൽകുക. മുഖ്യമന്ത്രി പിണറായി വിജയൻ പ്രവേശനോത്സവത്തിന്റെ സംസ്ഥാന തല ഉദ്ഘാടനം നിർവഹിക്കും.തിരുവനന്തപുരം മലയൻകീഴ് ഗവൺമെന്റ് ബോയ്സ് എൽ.പി.എസിൽ ആണ് സംസ്ഥാനതല ഉദ്ഘാടനം നടക്കുന്നത്. കൈറ്റ് വിക്ടെഴ്സ് ചാനൽ വഴി എല്ലാ സ്‌കൂളിലും ഉദ്ഘാടന ചടങ്ങ് തത്സമയം പ്രദർശിപ്പിക്കണം. അതിനുശേഷം ഓരോ സ്കൂളിലും ജനപ്രതിനിധികൾ അടക്കമുള്ളവരുടെ നേതൃത്വത്തിൽ പ്രാദേശിക ചടങ്ങുകൾ നടക്കും.സംസ്ഥാനത്തെ സ്കൂൾ പ്രവേശനത്തിനു മുന്നോടിയായി ഉള്ള തയാറെടുപ്പുകൾ […]