ബഹ്റൈനില് വേനല്ച്ചൂട് പ്രമാണിച്ച് എല്ലാ വര്ഷവും ഏര്പ്പെടുത്തുന്ന തുറന്ന സഥലങ്ങളിലെ തൊഴില് നിയന്ത്രണം ജൂൺ 15 മുതല് നടപ്പിലാക്കും. മൂന്നുമാസത്തേക്കാണ് വിലക്കേർപ്പെടുത്തിയിരിക്കുന്നത്.ഇത് സംബന്ധിച്ച ഔദ്യോഗിക പ്രഖ്യാപനം തൊഴിൽ മന്ത്രി യൂസിഫ് ഖലഫാണ് നടത്തിയത്. ജൂൺ 15 മുതൽ സെപ്റ്റംബർ 15 വരെ ഉച്ചയ്ക്ക് 12 മണി മുതൽ വൈകുന്നേരം 4 മണി വരെയാണ് തുറന്ന സ്ഥലങ്ങളിലെ ജോലികൾക്ക് നിരോധനം ഏര്പ്പെടുത്തിയിട്ടുള്ളത് .തപനില ഉയർന്ന സാഹചര്യത്തിൽ തൊഴിലാളികൾക്ക് ഉണ്ടാകാനിടയുള്ള ആരോഗ്യപ്രശ്നങ്ങൾ ഒഴിവാക്കുന്നതിനാണ് ഈ നടപടി.
