മനാമ : ഗുരുദേവ സോഷ്യൽ സൊസൈറ്റി സൽമാനിയ കാനു ഗാർഡൻ കുമാരനാശാൻ ഹാളിൽ വച്ച് നടന്ന ചടങ്ങിൽ മലയാള മിഷൻ ബഹറിൻ ചാപ്റ്ററിന്റെ കീഴിലുള്ള മലയാളം പാഠശാലയുടെ പ്രവർത്തന ഉദ്ഘാടനം മലയാളം മിഷൻ ബഹറിൻ ചാപ്റ്റർ സെക്രട്ടറി ശ്രീ. ബിജു എം സതീഷ് ഭദ്രദീപം കൊളുത്തി നിർവഹിച്ചു. മലയാളം പാഠശാലയെക്കുറിച്ചും പാഠശാലയുടെ പ്രവർത്തനങ്ങളെക്കുറിച്ചും ഈ വരുന്ന12 ആം തീയതി വെള്ളിയാഴ്ച കേരള സമാജത്തിൽ വച്ച് നടക്കുന്ന വിശ്വ മലയാളം പരിപാടിയെക്കുറിച്ചും അദ്ദേഹം സംസാരിക്കുകയുണ്ടായി. കുടുംബാംഗങ്ങളും കുട്ടികളും പങ്കെടുത്ത ചടങ്ങിൽ സൊസൈറ്റിയുടെ ആക്ടിംഗ് ചെയർമാൻ ശ്രീ. സതീഷ് കുമാർ അധ്യക്ഷ പ്രസംഗവും സൊസൈറ്റിയുടെ ജനറൽ സെക്രട്ടറി ശ്രീ ബിനു രാജ് സ്വാഗതവും പറഞ്ഞു. ശ്രീ. സുരേഷ് മാഷ് ചെറുകുന്ന്, ശ്രീ. സുനീഷ് സാസ്കോ എന്നിവർ ആശംസകൾ നേർന്ന് സംസാരിച്ചു മലയാളം പാഠശാല കൺവീനർ ശ്രീ അജിത് പ്രസാദ് നന്ദി രേഖപ്പെടുത്തി. പാഠശാലയുടെ അഡ്മിഷനും കൂടുതൽ വിവരങ്ങൾക്കും Asst. സെക്രട്ടറി ശ്രീ ദേവദത്തൻ (36050062) കൺവീനർ ശ്രീ .അജിത് പ്രസാദ്(39613858) എന്നിവരുമായി ബന്ധപ്പെടാമെന്ന് ഭാരവാഹികൾ അറിയിച്ചു.
