ബഹ്റൈനിലെ നാഷനല്‍ ഹെല്‍ത്ത് റെഗുലേറ്ററി അതോറിറ്റിക്ക് അന്താരാഷ്ട്ര അംഗീകാരം ലഭിച്ചു.ഹെല്‍ത്ത് സെന്‍ററുകളെയും ആശുപത്രികളെയും വിലയിരുത്തുന്നതിനുള്ള ഇന്‍റര്‍നാഷനല്‍ ഹെല്‍ത്ത് ക്വാളിറ്റി സര്‍വിസസ് സൊസൈറ്റിയുടെ അംഗീകാരമാണ് എൻ.എച്ച്. ആർ. എൻ. എച്ച് ആർ. എയ്ക്ക് ലഭിച്ചത്. ഈ അംഗീകാരം ലഭിക്കുന്ന രണ്ടാമത്തെ ജി.സി.സി രാജ്യവും, മൂന്നാമത്തെ അറബ് രാജ്യവുമാണ് ബഹ്റൈന്‍. സൗദി, ജോര്‍ഡന്‍ എന്നീ അറബ് രാജ്യങ്ങള്‍ക്കാണ് നിലവില്‍ അറബ് മേഖലയില്‍ ഈ അംഗീകാരമുള്ളത്.
ആരോഗ്യ സേവന മേഖലയില്‍ ബഹ്റൈൻ കൈവരിച്ച മുന്നേറ്റത്തിന്‍റെയും നേട്ടത്തിന്‍റെയും ഭാഗമാണ് അംഗീകാരമെന്ന് എന്‍.എച്ച്.ആര്‍.എ ചീഫ് എക്സിക്യൂട്ടിവ് ഡോ. മര്‍യം അദ്ബി അല്‍ ജലാഹിമ വ്യക്തമാക്കി.
