മലപ്പുറത്ത് കരിങ്കൽ ക്വാറിയിലേക്ക് മിനിലോറി മറിഞ്ഞു; ക്ലീനറെ രക്ഷിക്കാനുള്ള ശ്രമം പരാജയപ്പെട്ടു

20 Feb 26

മലപ്പുറത്ത് കരിങ്കൽ ക്വാറിയിലേക്ക് മിനിലോറി മറിഞ്ഞു; ക്ലീനറെ രക്ഷിക്കാനുള്ള ശ്രമം പരാജയപ്പെട്ടു

മലപ്പുറം: ആതവനാട്ടിൽ നിയന്ത്രണം വിട്ട് കരിങ്കൽ ക്വാറിയിലേക്കു വീണ മിനി ലോറിയിലെ ക്ലീനർ മുസ്തഫയെ രക്ഷിക്കാനായില്ല. ലോറി ഉയർത്താനുള്ള ശ്രമം മൂന്ന് തവണ പരാജയപ്പെട്ടിരുന്നു. ക്ലീനർ‌ മുസ്തഫ ലോറിക്കടയിൽ കുടുങ്ങി കിടക്കുകയായിരുന്നു. ഉച്ചയ്ക്ക് രണ്ട് മണിയോടെയാണ് അപകടമുണ്ടായത്. കടകളിലേക്ക് നിത്യോപയോഗ സാധനങ്ങള്‍ എത്തിക്കുന്ന ലോറിയാണ് ബ്രേക്ക് നഷ്ടമായതിനു പിന്നാലെ നിയന്ത്രണം നഷ്ടപ്പെട്ട് ക്വാറിയിലേക്ക് മറിഞ്ഞത്. അപകടത്തിനു പിന്നാലെ നാട്ടുകാരും ഫയര്‍ഫോഴ്‌സും ചേര്‍ന്നാണ് ഡ്രൈവറെ രക്ഷപ്പെടുത്തിയത്. ലോറി പൂര്‍ണമായും കുളത്തില്‍ മുങ്ങിയ നിലയിലായിരുന്നു. ക്വാറി സ്ഥിതി ചെയ്യുന്നത് സ്ഥിരം […]

20 Feb 26

കേരളത്തിൽ നാളെ നഴ്സുമാരുടെ പണിമുടക്ക്; സ്വകാര്യ ആശുപത്രികൾ സ്തംഭിക്കും

തൃശ്ശൂർ: സ്വകാര്യ ആശുപത്രി മേഖലയിലെ നഴ്‌സുമാർ ഉൾപ്പെടെയുള്ള ജീവനക്കാർ വിവിധ ആവശ്യങ്ങൾ ഉന്നയിച്ച് സംസ്ഥാന വ്യാപകമായി ശനിയാഴ്ച പണിമുടക്കുന്നു. യുണൈറ്റഡ് നഴ്‌സസ് അസോസിയേഷന്റെ (യു.എൻ.എ.) നേതൃത്വത്തിലാണ് സൂചനാ പണിമുടക്ക്. പണിമുടക്കിന്റെ ഭാഗമായി തൃശ്ശൂരിൽ അവകാശ പ്രഖ്യാപന സമ്മേളനവും സംഘടിപ്പിക്കും. ‘അതിജീവനത്തിനായുള്ള പോരാട്ടം’ എന്ന മുദ്രാവാക്യമുയർത്തിയാണ് നഴ്‌സുമാരും മറ്റ് ആശുപത്രി ജീവനക്കാരും സമരം നടത്തുന്നത്. തുല്യജോലിക്ക് തുല്യ വേതനം, നഴ്‌സുമാർക്ക് അടിസ്ഥാന ശമ്പളം 40,000 രൂപയാക്കുക, മറ്റു ആശുപത്രി ജീവനക്കാർക്ക് ആനുപാതികമായ ശമ്പള വർധന, യു.ജി.സി. സ്‌കെയിൽ ശമ്പളം […]

20 Feb 26

സർക്കാർ ജീവനക്കാർക്കും പെൻഷൻകാർക്കും പത്ത് ശതമാനം ഡിഎ കുടിശിക അനുവദിച്ചു

തിരുവനന്തപുരം: സർക്കാർ ജീവനക്കാരുടെയും പെൻഷൻകാരുടെയും ക്ഷാമബത്ത (ഡിഎ) കുടിശിക അനുവദിച്ചു. പത്ത് ശതമാനം കുടിശികയാണ് അനുവദിച്ചത്. ഇതുസംബന്ധിച്ച് അഡീഷണൽ ചീഫ് സെക്രട്ടറി കെ ആർ ജ്യോതിലാൽ ആണ് ഉത്തരവ് പുറപ്പെടുവിച്ചു. മാർച്ചിലെ ശമ്പളത്തോടൊപ്പമാണ് കുടിശിക ലഭിക്കുക. പുതിയ ഉത്തരവ് പ്രകാരം സർക്കാർ ജീവനക്കാർക്ക് 32 ശതമാനം നിരക്കിലായിരിക്കും ഡിഎ ലഭിക്കുക. കഴിഞ്ഞയാഴ്‌ച മൂന്ന് ശതമാനം കുടിശിക അനുവദിച്ചിരുന്നു. ഇതിനുപിന്നാലെയാണ് പത്ത് ശതമാനം കൂടി അനുവദിച്ചിരിക്കുന്നത്. ഇതോടെ ബഡ്‌ജറ്റിൽ വാഗ്ദാനം ചെയ്തിരുന്ന ഡിഎ കുടിശിക സർക്കാർ നടപ്പിലാക്കിയിരിക്കുകയാണ്. 35 […]

20 Feb 26

ശസ്ത്രക്രിയ ഉപകരണം വയറ്റിൽ കുടുങ്ങിയ സംഭവം: സർജറി നടത്തിയത് ഡോ.ഷാഹിദയുടെ നേതൃത്വത്തിൽ, അന്വേഷണത്തിന് നാലംഗ സമിതി

ആലപ്പുഴ: വണ്ടാനം മെഡിക്കൽ കോളേജിൽ ശസ്ത്രക്രിയയ്ക്കിടെ കത്രിക വയറ്റിൽ കുടുങ്ങിയ സംഭവം അന്വേഷിക്കാൻ നാലംഗസമിതിയെ ചുമതലപ്പെടുത്തിയെന്ന് മെഡിക്കൽ കോളേജ് സൂപ്രണ്ട് .ഡോ. ലളിതാംബികയുടെ യൂണിറ്റിലെ അസി. പ്രൊഫസർ ഡോ. ഷാഹിദയുടെ നേതൃത്വത്തിലാണ് സർജറി നടന്നത്. ആ ഡോക്ടർ ഇപ്പോഴും സർവീസിലുണ്ടെന്നും മെഡിക്കൽ കോളേജിൽ നിന്ന് ട്രാൻസ്ഫർ ആയി പോയതായും അദ്ദേഹം വെളിപ്പെടുത്തി. സംഭവം ആരും ഒതുക്കി തീർക്കാൻ ശ്രമിച്ചിട്ടില്ലെന്നും ആശുപത്രി അധികൃതർ പറയുന്നു. ശസ്ത്രക്രിയയ്ക്ക് മുമ്പും ശേഷവും ഉപയോഗിച്ച ഉപകരണങ്ങൾ എണ്ണിത്തിട്ടപ്പെടുത്തണമെന്ന കർശനമായ പ്രോട്ടോക്കോൾ നിലവിലുണ്ട്. കേസ് […]

20 Feb 26

20 കോടിയുടെ ക്രിസ്‌മസ് ബമ്പർ ആർക്ക് ലഭിക്കും; സമ്മാനാർഹമായ ടിക്കറ്റ് താനെടുത്തതെന്നും നഷ്ടപ്പെട്ടെന്നുമുള്ള പരാതിയുമായി റിട്ട. എഎസ്‌ഐ

കൊച്ചി: 20 കോടി രൂപ ഒന്നാം സമ്മാനമുള്ള ക്രിസ്‌മസ് – പുതുവത്സര ബമ്പർ ലോട്ടറി നഷ്ടപ്പെട്ടെന്നും തിരിച്ചുകിട്ടാൻ നടപടി വേണമെന്നുമാവശ്യപ്പെട്ട് റിട്ട. എഎസ്‌ഐ രംഗത്ത്. പിറവം പാഴൂർ കോട്ടപ്പുറത്ത് വീട്ടിൽ കെ കെ സജിമോനാണ് പൊലീസിനെയും കോടതിയെയും സമീപിച്ചിരിക്കുന്നത്. ജനുവരി 24നായിരുന്നു ബമ്പർ നറുക്കെടുപ്പ് . XC 138455 എന്ന ടിക്കറ്റാണ് ഒന്നാം സമ്മാനമായ 20 കോടിക്ക് അർഹമായത്. ഡിസംബർ ഒന്നിന് മുണ്ടക്കയത്ത് ഭാര്യയുടെ ബന്ധുവീട്ടിൽ പോയപ്പോൾ കാഞ്ഞിരപ്പള്ളിയിൽ നിന്ന് ടിക്കറ്റ് എടുത്തു. ടിക്കറ്റിന്റെ പുറത്ത് വിലാസമെഴുതി […]

20 Feb 26

രോഗിയുടെ വയറ്റിൽ ശസ്‌ത്രക്രിയാ ഉപകരണം ; ഇന്ന് കേസ് കൊടുക്കുമെന്ന് കുടുംബം

ആലപ്പുഴ: വണ്ടാനം മെഡിക്കൽ കോളേജിലെ ചികിത്സാപ്പിഴവിന് ഇരയായ ഉഷയുടെ ശസ്‌ത്രക്രിയ ഇന്ന് തന്നെ ഉണ്ടായേക്കാമെന്ന് മകൻ ഷിബിൻ. രാവിലെ വിദഗ്‌ദ്ധ ഡോക്‌ടർമാർ എത്തിയതിന് ശേഷമായിരിക്കും എപ്പോഴാണ് ശസ്‌ത്രക്രിയ നടത്തേണ്ടതെന്ന കാര്യത്തിൽ തീരുമാനമെടുക്കുന്നത്. ചികിത്സാപ്പിഴവിനെതിരെ നിയമപരമായി തന്നെ മുന്നോട്ടുപോകുമെന്നും ശസ്‌ത്രക്രിയ നടത്തിയ ഡോക്‌ടർക്കെതിരെ നടപടി വേണമെന്നും ഷിബിൻ പറഞ്ഞു. ഗര്‍ഭപാത്രത്തില്‍ കണ്ടെത്തിയ മുഴ നീക്കം ചെയ്യുന്നതിനായി 2021 മേയ് അഞ്ചിനാണ് ഉഷ ആലപ്പുഴ മെഡിക്കല്‍ കോളേജില്‍ ശസ്ത്രക്രിയക്ക് വിധേയയായത്. മുഴ നീക്കല്‍ വിജയകരമായി പൂര്‍ത്തിയാക്കിയെങ്കിലും ഇവര്‍ക്ക് നിരന്തരം വയറ് […]

19 Feb 26

നടിയെ ആക്രമിച്ച കേസിൽ വിധി പറഞ്ഞ ജഡ്‌ജിന് സ്ഥലംമാറ്റം;ഹണി എം വർഗീസിന്റെ നിയമനം ആലപ്പുഴയിൽ

കൊച്ചി: നടിയെ ആക്രമിച്ച കേസിൽ വിധി പറഞ്ഞ എറണാകുളം പ്രൻസിപ്പൽ സെഷൻസ് ജഡ്‌ജി ഹണി എം വർഗീസിന് സ്ഥലംമാറ്റം. ആലപ്പുഴ ജില്ലാ കോടതിയിലേക്കാണ് സ്ഥലംമാറ്റം. നിലവിലെ ആലപ്പുഴ ജില്ലാ കോടതി ജഡ്‌ജിയായ കെ കെ ബാലകൃഷ്‌ണനെ എറണാകുളത്തേക്ക് സ്ഥലംമാറ്റി. മറ്റ് നാല് ജഡ്‌ജിമാർക്കും സ്ഥലം മാറ്റം ലഭിച്ചു. സ്വാഭാവിക നടപടികളുടെ ഭാഗമാണ് സ്ഥലം മാറ്റം. നടിയെ ആക്രമിച്ച കേസിലെ വിധിയെ തുടർന്ന് ഹണി എം വർഗീസിനെതിരെ ധാരാളം ആരോപണങ്ങൾ ഉയർന്നിരുന്നു. മെമ്മറികാർഡ് ദുരുപയോഗം ചെയ്‌തതിൽ കൃത്യമായ അന്വേഷണത്തിന് […]

19 Feb 26

വയനാട് ടൗൺഷിപ്പ് ആദ്യഘട്ട താക്കോൽദാനം ബുധനാഴ്ച; 178 വീടുകൾ കൈമാറും

കല്പറ്റ: മുണ്ടക്കൈ ചുരൽമല ദുരന്തബാധിതരുടെ പുനരധിവാസത്തിനായി സംസ്ഥാനസർക്കാർ ഒരുക്കുന്ന വയനാട് മാതൃകാ ടൗൺഷിപ്പിന്റെ ഒന്നാംഘട്ടം പൂർത്തിയായി. ബുധനാഴ്ച വൈകിട്ട് നാലിന് എൽസ്റ്റൺ എസ്റ്റേറ്റിൽ മുഖ്യമന്ത്രി പിണറായി വിജയൻ ടൗൺഷിപ്പിന്റെ ഉദ്ഘാടനവും ഗുണഭോക്താക്കൾക്കുള്ള പട്ടയവിതരണവും നിർവഹിക്കും. 410 വീടുകളുള്ള ടൗൺഷിപ്പിന്റെ ഒന്നാംഘട്ടത്തിൽ 178 വീടുകളാണ് പൂർത്തിയായത്. ദുരന്തത്തിൽ പൂർണമായും വീട് നഷ്ടമായ കുടുംബങ്ങൾക്കാണ് ആദ്യഘട്ടത്തിൽ വീടുകൾ നൽകുന്നത്. പ്രകൃതിദുരന്തങ്ങൾ അതിജീവിക്കാൻ സാധിക്കുംവിധം 1000 ചതുരശ്രയടിയിൽ ഒറ്റനിലയിൽ പണിത കെട്ടിടങ്ങൾ ഭാവിയിൽ ഇരുനില നിർമിക്കാനുള്ള അടിത്തറയോടെയാണ് തയ്യാറാക്കിയിരിക്കുന്നത്. പ്രധാന കിടപ്പുമുറി, […]

19 Feb 26

സര്‍ക്കാര്‍ ബ്രാന്‍ഡിക്ക് പേരായി; ‘മലബാര്‍ മിസ്റ്ററി’

തിരുവനന്തപുരം: പേരിടൽ വിവാദത്തിന് വഴിതെളിച്ച സര്‍ക്കാര്‍ ഉത്പാദിപ്പിക്കുന്ന പുതിയ ബ്രാന്‍ഡി ക്ക് പേരായി. ‘മലബാര്‍ മിസ്റ്ററി’ എന്നാണ് പുതിയ ബ്രാന്‍ഡിന് പേര് നല്‍കിയിരിക്കുന്നത്. ഫെബ്രുവരി 21ന് മന്ത്രി എം.ബി രാജേഷ് പേര് ഔദ്യോഗികമായി പേര് പ്രഖ്യാപിക്കും. പാലക്കാട് മലബാര്‍ ഡിസ്റ്റിലറിയില്‍ ഉത്പാദിപ്പിക്കുന്ന ബ്രാന്‍ഡിയാണിത്. പുതിയ ബ്രാന്‍ഡ് കുറഞ്ഞ വിലയില്‍ ഈ മാസം 21ന് വിപണിയിലെത്തും. മദ്യത്തിന് ഉചിതമായ പേരും ലോഗോയും നിര്‍ദേശിക്കുന്നവര്‍ക്ക് 10,000 രൂപ നല്‍കുമെന്ന ബെവ്കോ പരസ്യം വലിയ വിവാദങ്ങള്‍ക്ക് കാരണമായിരുന്നു. സര്‍ക്കാര്‍ മദ്യ ഉപഭോഗം […]

19 Feb 26

കെടിഡിസി ചെയര്‍മാന്‍ സ്ഥാനം രാജിവെച്ച് പി.കെ ശശി ; പുതിയ പാർട്ടിയിലേക്കെന്ന് സൂചന

പാലക്കാട്: സിപിഐഎമ്മുമായി അകന്ന് നില്‍ക്കുന്ന പി. കെ ശശി കെടിഡിസി ചെയര്‍മാന്‍ സ്ഥാനം രാജിവെച്ചു. പി.കെ ശശിയെ ചെയര്‍മാന്‍ സ്ഥാനത്ത് നിന്ന് നീക്കണമെന്ന് സിപിഐഎം പാലക്കാട് ജില്ലാ നേതൃത്വം ആവശ്യപ്പെട്ടിരുന്നു. ഇതിന്റെ അടിസ്ഥാനത്തിലാണ് തീരുമാനം. സി പി എം വിമതർ ചേർന്ന് രൂപീകരിക്കുന്ന പുതിയ പാർട്ടിയിൽ പി.കെ ശശി ചേരുമെന്നാണ് സൂചന.

Kerala