ഓഗസ്റ്റ് 29 ന് അൽ ഒറൂബ ക്ലബ്ബിന്റെ ഗെയിംസ് ഹാളിൽ നടന്ന അൽ ഒറൂബ ക്ലബ് ഫിഡെ റേറ്റഡ് റാപ്പിഡ് ചെസ് ടൂർണമെന്റിൽ സിറിയൻ ചെസ് താരം അഗിയാദ് മെറോ കിരീടം ചൂടി.7/7 എന്ന മികച്ച സ്കോറോടെ ആണ് മെറോ തന്റെ തുടർച്ചയായ മൂന്നാമത്തെ കിരീടം നേടിയത്. ജൂൺ, ജൂലൈ, ഓഗസ്റ്റ് മാസങ്ങളിൽ നടന്ന ചാമ്പ്യൻഷിപ്പിലും ഒന്നാമനായത് മേറോ ആണ്. കഴിഞ്ഞ ദിവസം നടന്ന മത്സരത്തിൻ്റെ അവസാന റൗണ്ടിൽ ബഹ്റൈൻ താരം അബ്ദുൽ അസീസ് ഫഖിഹിക്കെതിരെ ആണ് മെറോയുടെ വിജയം . അവസാന റൗണ്ടിൽ ഫിലിപ്പിനോ വെറ്ററൻ എഡ്ഡി ലുമാനോഗിനെ പരാജയപ്പെടുത്തി ഇന്ത്യൻ യുവതാരം ഹഡ്സൺ ആന്റണി റണ്ണർഅപ്പ് ആയി. അതേസമയം ഇന്ത്യയിലെ അർണവ് സിംഗ് ദിവാനും മൈക്കൽ വിവേക് ജോസഫും യഥാക്രമം മൂന്നും നാലും സ്ഥാനങ്ങൾ നേടി. ഫഖിഹി ആറാം സ്ഥാനം നേടി.നിർവാൻ ആശിഷ് മോദി (U1600), അക്ഷിത് കിഷോർ കണ്ടുങ്ങാട്ടിൽ (U1500), സായ് പ്രദ്യുൺ ബർല (നോൺ-റേറ്റഡ്), ജൗദി മൻസൂർ അൽഫരാജ് (ടോപ്പ് ഗേൾ), എസ്തർ വിവേക് ജോസഫ് (ഏറ്റവും പ്രായം കുറഞ്ഞ പങ്കാളി) എന്നിവർക്കാണ് കാറ്റഗറി സമ്മാനങ്ങൾ ലഭിച്ചത്. ഈയിടെ ആദ്യത്തെ ഫിഡെ റേറ്റിംഗുകൾ നേടിയ ജൂനിയർ പ്ലെയർ സ് ആയ ആരവ് പാണ്ഡ്യ (1577), ഇനിയാൻ ദേവരാജ് വിജിൽ (1555), ഡ്രെ ആൻ്റണി ലോർക്ക (1535) എന്നിവരെ ടൂർണ്ണമെൻറ് സ്പോൺസർ രതീഷ് പുത്തൻപുരയിൽ ആദരിച്ചു.
72 മത്സരാർത്ഥിക്കളിൽ 80% ത്തിലധികം പേരും ഇതിനകം തന്നെ റേറ്റുചെയ്ത കളിക്കാരാണെന്നതിൽ രെതിഷ് സന്തോഷം രേഖപ്പെടുത്തുകയും,.റേറ്റുചെയ്ത ജൂനിയർ/കിഡ്സ് ചെസ്സ് കളിക്കാരുടെ എണ്ണം 2025 ൽ ബഹ്റൈനിൽ വിപുലീകരിക്കുക എന്ന തന്റെ ലക്ഷ്യം ഇതിനെ സൂചിപ്പിക്കുന്നുവെന്നും അറിയിച്ചു.ഡോ. ബസെം എ. കെ. മൊഹ്സെൻ, ബാസൽ എ. കെ. മൊഹ്സെൻ എന്നിവരുടെ നേതൃത്വത്തിലുള്ള അൽ ഒറൂബ ക്ലബ് സംഘാടകരുടെ അചഞ്ചലമായ പിന്തുണയാണ് ടൂർണമെന്റിന്റെ വിജയം സാധ്യമാക്കിയത്.
ചീഫ് ആർബിറ്റർ എഫ്.എ. ആന്റണി പി. പെലായോ ആണ് പരിപാടി നിയന്ത്രിച്ചത്. നാഷണൽ ആർബിറ്റർമാരായ സാലിഹ് ബുവാനെക്, ഇമാൻ സിദാനി എന്നിവരുടെ സഹായത്തിൽ ട്രെയിനി ആർബിറ്റർമാരായ യൂസഫ് അൽഖല്ലാഫ്, സഹ്റ ബുന്നസർ, മുന എ. റസാഖ് എന്നിവരുടെ പങ്കാളിത്തവും ടൂർണമെന്റിലൂടെ നീളം പ്രകടമായിരുന്നു.
