തപാല് വോട്ട് പൊട്ടിച്ച് തിരുത്തിയെന്ന മുതിര്ന്ന സിപിഐഎം നേതാവ് ജി സുധാകരന്റെ വിവാദ പ്രസംഗത്തില് ആലപ്പുഴ സൗത്ത് പോലീസ് കേസെടുത്തു. പൊലീസിന് നിയമ ഉപദേശം കിട്ടിയതിന് പിന്നാലെയാണ് നടപടി. തെളിവ് ശേഖരണത്തിനു ശേഷം മാത്രമേ അറസ്റ്റ് അടക്കമുള്ള നടപടികള് ഉണ്ടാവുകയുള്ളൂ. സംഭവത്തില് കേസ് എടുക്കണമെന്ന് ആവശ്യപ്പെട്ട് വരണാധികാരികൂടിയായ ജില്ലാകളക്ടര് സൗത്ത് പൊലീസ് എസ്എച്ച്ഒയ്ക്ക് കത്ത് നല്കിയിരുന്നു.ആലപ്പുഴയില് കേരള എന്ജിഒ യൂണിയന് സംസ്ഥാന സമ്മേളനത്തോടനുബന്ധിച്ച് നടന്ന ചടങ്ങിലാണ് താനുള്പ്പെടെയുള്ളവര് ചേര്ന്ന് 36 വര്ഷം മുന്പ് നടത്തിയ തിരഞ്ഞെടുപ്പ് കൃത്രിമത്തെപ്പറ്റിയുള്ള ജി സുധാകരന്റെ വെളിപ്പെടുത്തല്.
