ഇടുക്കി: ഇടമലക്കുടിയിൽ പനി ബാധിച്ച് അഞ്ചുവയസുകാരൻ മരിച്ചു. അസുഖബാധിതനായ കുഞ്ഞിനെ കിലോമീറ്ററുകൾ ചുമന്നാണ് മാങ്കുളത്തെ ആശുപത്രിയിലെത്തിച്ചത്. അവിടെ നിന്നും ആരോഗ്യം മോശമായതിനെ തുടർന്നാണ് കുട്ടിയെ അടിമാലിയിലേക്ക് റഫർ ചെയ്തത്. അടിമാലിയിൽ എത്തുന്നതിന് മുമ്പ് കുട്ടി മരണത്തിന് കീഴടങ്ങി. കാട്ടിലൂടെ ആളുകൾ ചുമന്നാണ് കുഞ്ഞിന്റെ മൃതദേഹം തിരികെ കൊണ്ടുപോയത്. മൃതദേഹം സംസ്കരിച്ചു.
