തമിഴ്നാട്ടില് പടക്ക നിര്മാണ ശാലയില് സ്ഫോടനം. 20 പേര് മരിച്ചു.വിരുദുനഗര് കട്ടുന്നാര്പട്ടിയിലാണ് അപകടം നടന്നത്.അപകടത്തിൽ നിരവധി പേര്ക്ക് പരുക്കേറ്റു. നാല് മുറികളുള്ള കെട്ടിടത്തിലായിരുന്നു പടക്ക നിര്മാണശാല പ്രവര്ത്തിച്ചിരുന്നത്. ഈ നാല് മുറികളും പൂര്ണമായി തകര്ന്നു. നിലവില് രക്ഷാപ്രവര്ത്തനം പുരോഗമിക്കുകയാണ്. ആറ് പേരാണ് ആശുപത്രിയില് ചികിത്സയിലുള്ളത്. പരുക്കേറ്റ പലരുടേയും നില ഗുരുതരമാണെന്നാണ് റിപ്പോര്ട്ടുകള്. അപകടസമയത്ത് 30ലധികം തൊഴിലാളികള് കെട്ടിടത്തിലുണ്ടായിരുന്നുവെന്നാണ് വിവരം. കെട്ടിടത്തിനുള്ളില് ആളുകള് ഇപ്പോഴും കുടുങ്ങിക്കിടക്കുന്നുണ്ടോ എന്നാണ് നിലവിലെ ആശങ്ക.രാഷ്ട്രപതിയും പ്രധാനമന്ത്രിയും അനുശോചിച്ചു. തമിഴ്നാട് മുഖ്യമന്ത്രി എം കെ സ്റ്റാലിന് സംഭവത്തില് ദുഃഖം രേഖപ്പെടുത്തി. മന്ത്രിമാരായ കെകെഎസ്എസ്ആര് രാമചന്ദ്രന്, തങ്കം തെന്നരശ് എന്നിവരോട് സംഭവസ്ഥലത്തേക്ക് എത്താന് മുഖ്യമന്ത്രി നിര്ദേശിച്ചിട്ടുണ്ട്.
