ബഹ്‌റൈൻ ഭരണാധികാരികളുടെ നേതൃത്വത്തിൽ രാജ്യത്തെ യുവജനങ്ങൾക്ക് നൽകുന്ന പിന്തുണ വിലമതിക്കാനാവാത്തത്:യുവജനകാര്യമന്ത്രി

യുവജനങ്ങൾക്ക് രാജാവ് ഹമദ് ബിൻ ഈസ അൽ ഖലീഫ നൽകുന്ന പിന്തുണയും കിരീടാവകാശിയും പ്രധാനമന്ത്രിയുമായ രാജകുമാരൻ സൽമാൻ ബിൻ ഹമദ് അൽ ഖലീഫയുടെ നിർദ്ദേശങ്ങളും, ജനങ്ങളിൽ നിക്ഷേപം നടത്തുന്നതിലും വികസനത്തിന്റെയും സമൃദ്ധിയുടെയും പ്രധാന ചാലകശക്തിയായി യുവാക്കളെ ശാക്തീകരിക്കുന്നതിലും ശ്രദ്ധ കേന്ദ്രീകരിച്ചുള്ള ഒരു വികസന മാതൃക ശക്തിപ്പെടുത്തുന്നതിന് കാരണമായിട്ടുണ്ടെന്ന് യുവജനകാര്യ മന്ത്രി റാവാൻ ബിൻത് നജീബ് തൗഫീഖി പറഞ്ഞു.ജിസിസി ജനറൽ സെക്രട്ടേറിയറ്റിലെ പ്രതിനിധികളുടെയും ജിസിസി രാജ്യങ്ങളിലെ യുവ നേതാക്കളുടെയും പങ്കാളിത്തത്തോടെ വെർച്വലായി നടന്ന “ഗൾഫ് അവെയർ ലീഡേഴ്‌സ് – വെൽബീയിംഗ് ആൻഡ് ലീഡർഷിപ്പ്” പ്രോഗ്രാമിന്റെ സപ്ലിമെന്ററി ഗൾഫ് ഫോറത്തിന്റെ ഉദ്ഘാടന വേളയിലാണ് മന്ത്രിയുടെ പരാമർശം.ബഹ്‌റൈന്റെ വികസന പ്രക്രിയയിൽ സംഭാവന നൽകാൻ കഴിവുള്ള യുവ നേതാക്കളെ തയ്യാറാക്കുന്നതിന് ലക്ഷ്യമിട്ടുള്ള സംരംഭങ്ങൾ മുന്നോട്ട് കൊണ്ടുപോകുന്നതിൽ രാജാവിന്റെ മാനുഷിക പ്രവർത്തനത്തിനും യുവജന കാര്യങ്ങൾക്കും വേണ്ടിയുള്ള പ്രതിനിധിയായ ശൈഖ് നാസർ ബിൻ ഹമദ് അൽ ഖലീഫയുടെ പങ്കിനെക്കുറിച്ചും മന്ത്രി വിശദീകരിച്ചു