സെപതംബർ 15 വ്യാഴാഴ്ച മുതൽ സ്കൂൾ സമയത്തിലും ബസുകളുടെ സമയവും പുനഃക്രമീകരിച്ചതായി ബഹ്റൈൻ അറിയിച്ചു. തിരക്കേറിയ സമയങ്ങളിൽ ട്രാഫിക് ഒഴിവാക്കുന്നതിനും സ്കൂൾ ബസുകളുടെ സഞ്ചാരം സുഗമമാക്കുന്നതിനും ആണ് വിദ്യാഭ്യാസ മന്ത്രാലയം സമയം പുനഃക്രമീകരിച്ചത് . വിദ്യാഭ്യാസ മന്ത്രാലയത്തിന്റെ തീരുമാനങ്ങൾ അനുസരിച്ച്, സ്കൂൾ സമയം എല്ലാ പൊതു വിദ്യാഭ്യാസ സ്ഥാപനങ്ങളിലും രാവിലെ 7:05 ന് ആരംഭിക്കുകയും പ്രൈമറി സ്കൂളുകളിൽച്ചയ്ക്ക് 12:35 ന് അവസാനിക്കുകയും ചെയ്യും. ഇന്റർമീഡിയറ്റ് സ്‌കൂളുകളിലും, സെക്കൻഡറി സ്‌കൂളുകളിലും, റിലീജിയസ്, ജാഫരി ഇൻസ്റ്റിറ്റ്യൂട്ടുകളിലും പുതിയ സമയക്രമം നിലവിൽ വരും .ടെക്‌നിക്കൽ സ്‌കൂളുകളിൽ , സ്കൂൾ സമയം മാറ്റമില്ലാതെ തുടരുമെന്നു മന്ത്രാലയം അറിയിച്ചു.ഇന്റർമീഡിയറ്റ്, സെക്കൻഡറി വിദ്യാർത്ഥികൾക്ക് രാവിലെ 6:10 നും സെക്കൻഡറി, ടെക്‌നിക്കൽ വിദ്യാർത്ഥികൾക്ക് രാവിലെ 5:45 നും , ജാഫരി ഇൻസ്റ്റിറ്റ്യൂട്ടുകളിലെ പ്രൈമറി, ഇന്റർമീഡിയറ്റ്, സെക്കൻഡറി വിദ്യാർത്ഥികൾക്ക് 5:45 നുമാണ് ബസുകൾ പുറപ്പെടുക.
