നേപ്പാളില്‍ കഴിഞ്ഞ ദിവസമുണ്ടായ വിമാനാപകടത്തിൽ ബഹ്റൈന്‍ അനുശോചനമറിയിച്ചു.ദുരന്തത്തില്‍ മരിച്ചവർക്ക് ആദരാജ്ഞലി അർപ്പിക്കുന്നുവെന്നും, നേപ്പാള്‍ സര്‍ക്കാറിനും ജനതക്കും അനുശോചനം രേഖപ്പെടുത്തുന്നതായും ബഹ്റൈൻ വിദേശകാര്യ മന്ത്രാലയം വാര്‍ത്തക്കുറിപ്പില്‍ അറിയിച്ചു.നേപ്പാളിലെ വിനോദസഞ്ചാര കേന്ദ്രമായ പൊഖാറയില്‍ ഞായറാഴ്ച രാവിലെയാണ് യെതി എയര്‍ലൈന്‍സ് വിമാനം തകര്‍ന്നുവീണത്. അപകടത്തില്‍ എല്ലാവരും മരിച്ചതായാണ് റിപ്പോർട്ട്.
