മനാമ: ഗംഭീര കാഴ്ചകളും വിനോദങ്ങളുമൊരുക്കിയാണ് ഇത്തവണ ബഹ്റൈൻ പുതു വർഷത്തെ വരവേറ്റത്. ബഹ്റൈൻ ടൂറിസം ആന്റ് എക്സിബിഷൻസ് അതോറിറ്റിയുടെ നേതൃത്വത്തിൽ അവന്യുസ് പാർക്ക്, മാറാസി ബീച്ച്, വാട്ടർ ഗാർഡൻ സിറ്റി, ഹാർബർ റോ എന്നിവിടങ്ങളിൽ നടന്ന കരിമരുന്ന് പ്രകടന൦ കണ്ട് നിന്നവരുടെ മനം നിറച്ചു.ബഹ്റൈൻ ചരിത്രത്തിലെ തന്നെ ഏറ്റവും വലിയ പുതുവത്സരാഘോഷത്തിനാണ് ആയിരങ്ങൾ ഇത്തവണ സാക്ഷിയായത്.
അവന്യൂസ് പാർക്കിൽ രാത്രി 10 മുതൽ പുതുവത്സാരാഘോഷങ്ങൾക്ക് തുടക്കം കുറിച്ചു.ഒപ്പം ഡിജെ ലോറെൻസോയുടെ മാസ്മരിക പ്രകടനനവും, ഡ്രോൺ ഷോയും , തത്സമയ വിനോദ പരിപാടികളുംനടന്നു.പിന്നീട് രാത്രി 12ന് ആകാശത്ത് വർണവിസ്മയം തീർത്ത് കരിമരുന്നു പ്രകടനവും നടന്നു.ബഹ്റൈന്റെ ചരിത്രത്തിൽ തന്നെ ഇത് ആദ്യമായാണ് നാല് സ്ഥലങ്ങളിൽ ഒരൊറ്റ സമയം കരിമരുന്നു പ്രകടന൦ നടത്തുന്നത് എന്ന പ്രത്യേകതയും ഇത്തവണയുണ്ട്. കൂടാതെ സംഗീത പരിപാടി, ഭക്ഷണ സ്റ്റാളുകൾ എന്നിവയും ആഘോഷത്തിന് മാറ്റ് കൂട്ടി. അൽദാന ആംഫി തിയറ്ററിൽ മാർട്ടിൻ ഗാരിക്സിെന്റ പുതുവത്സര സംഗീത പരിപാടിയും അരങ്ങേറി.മാത്രമല്ല വാട്ടർ ഗാർഡൻ സിറ്റിയിൽ കരിമരുന്ന് പ്രകടനത്തിന് പുറമേ, ഒരുക്കിയ വിവിധ കലാപരിപാടികളും ആസ്വാദിച്ച് ഭക്ഷണ സ്റ്റാളുകളിലെ രുചിയൂറുന്ന വിഭവങ്ങളു൦ ആസ്വാദിച്ച്മാണ് ബഹ്റൈനിലെ പ്രവാസികളും സ്വാദേശികളും 2023 നെ വരവേറ്റത്