വിദ്യാഭ്യാസ മന്ത്രാലയവും ട്രാഫിക് ഡയറക്ടറേറ്റും സഹകരിച്ചാണ് ബോധവൽക്കരണ പരിപാടി സംഘടിപ്പിച്ചത്. ട്രാഫിക് നിയമങ്ങളെക്കുറിച്ചും സ്കൂൾ ബസ് സുരക്ഷയെക്കുറിച്ചും സുരക്ഷിതമായ ബോർഡിംഗ്, ഡീബോർഡിംഗ്, ക്രൈസിസ് മാനേജ്മെന്റ് ടെക്നിക്കുകൾ എന്നിവയെക്കുറിച്ചും വിദ്യാർത്ഥികളെ ബോധവത്കരിക്കുകയായിരുന്നു ലക്ഷ്യം. ട്രാഫിക് ഡയറക്ടറേറ്റിലെ പബ്ലിക് റിലേഷൻസ് ഉദ്യോഗസ്ഥരായ സുധിഷും റാബിയയും വിദ്യാർത്ഥികൾക്ക് ശിശു സൗഹൃദ സംവേദനാത്മക മൾട്ടിമീഡിയ സെഷനുകൾ നടത്തി.
ഇന്ത്യൻ സ്കൂൾ ചെയർമാൻ പ്രിൻസ് എസ് നടരാജൻ, സെക്രട്ടറി സജി ആന്റണി, പ്രിൻസിപ്പൽ പമേല സേവ്യർ എന്നിവർ വിദ്യാഭ്യാസ മന്ത്രാലയത്തിനും ട്രാഫിക് നിയമങ്ങളും റോഡ് സുരക്ഷാ മാനദണ്ഡങ്ങളും പരിചയപ്പെടുത്തിയ അധികൃതർക്കും നന്ദി പറഞ്ഞു.