05
Aug 25
ലോക മുലയൂട്ടൽ വാരാചരണത്തിൽ പങ്കുചേർന്ന് ബഹ്റൈനും
ലോകമുലയൂട്ടൽ വാരാചരണത്തോടെ അനുബന്ധിച്ച് ബഹ്റൈനിലുടനീളം മുലയൂട്ടൽ പ്രോത്സാഹിപ്പിക്കുന്നതിനും സാമൂഹിക പിന്തുണ ഉറപ്പാക്കുന്നതിനുമായി നിരവധി, ലാക്ടേഷൻ കൺസൾട്ടേഷനുകളും ആന്റിനേറ്റൽ കൗൺസിലിംഗുകളും നടക്കുന്നു . ഓഗസ്റ്റ് 1 മുതൽ ഏഴ് വരെയാണ് ലോക മുലയൂട്ടൽ വാരമായി ആചരിക്കുന്നത്. മുലയൂട്ടലിന്റെ പ്രാധാന്യവും ആവശ്യവും ബോധവത്കരിക്കുകയാണ് ഇതിൻറെ ലക്ഷ്യം. മുലയൂട്ടലിനെക്കുറിച്ച് അവബോധം വളർത്തുന്നതിനുള്ള രാജ്യത്തിന്റെ ശ്രമങ്ങളെ മാത്രമല്ല, മുലയൂട്ടുന്ന ഘട്ടത്തിൽ അമ്മയ്ക്കും കുഞ്ഞിനും പിന്തുണ നൽകുന്നതിൽ ആരോഗ്യ മേഖലയുടെ സജീവ പങ്കിനെയും ഈ മാറ്റം സൂചിപ്പിക്കുന്നുവെന്നും അധികൃതർ അറിയിച്ചു.
