മാനസിക ഗണിതത്തിൽ (Mental Arithmetic) വിസ്മയിപ്പിക്കുന്ന പ്രകടനവുമായി പേരാമ്പ്ര ചെറുവണ്ണൂർ സ്വദേശി മെഹ്ഫിൽ മുജീബ് ലോകറെക്കോർഡ് പട്ടികയിൽ ഇടംപിടിച്ചു. എലൈറ്റ് വേൾഡ് റെക്കോർഡ്സ് (Elite World Records) സംഘടിപ്പിച്ച മത്സരത്തിലാണ് ഈ അപൂർവ്വ നേട്ടം കൈവരിച്ചത്.രണ്ട് അക്കങ്ങൾ വീതമുള്ള സങ്കലന-വ്യകലന (Addition and Subtraction) കണക്കുകൾ അതിവേഗത്തിൽ പരിഹരിച്ചാണ് മെഹ്ഫിൽ റെക്കോർഡ് കുറിച്ചത്. മൂന്ന് വരികളിലായുള്ള 57 സങ്കലന-വ്യകലന (Addition and Subtraction) പ്രശ്നങ്ങൾ വെറും മൂന്ന് മിനിറ്റിനുള്ളിൽ കൃത്യമായി പരിഹരിച്ചാണ് ഈ കൊച്ചു മിടുക്കൻ വിധികർത്താക്കളെ അമ്പരപ്പിച്ചത്. 2026 മാർച്ച് 15-നായിരുന്നു ഈ ചരിത്ര നേട്ടം.ബഹ്റൈൻ പ്രവാസിയായ മുജീബിന്റെയും മുഫീദ മുജീബിന്റെയും മൂത്ത മകനാണ് മെഹ്ഫിൽ. ബഹ്റൈൻ ഇന്ത്യൻ സ്കൂളിലെ ഏഴാം ക്ലാസ് വിദ്യാർത്ഥിയായ മെഹ്ഫിൽ, തളിപ്പറമ്പ് ‘മാസ്റ്റർ കിഡ്സ് അബാക്കസി’ലെ (Master Kids Abacus) വിദ്യാർത്ഥികൂടിയാണ്. സിന്ധു ടീച്ചർ, നാരായണൻകുട്ടി സർ, സജിത ടീച്ചർ എന്നിവരുടെ മികച്ച പരിശീലനമാണ് മെഹ്ഫിലിനെ ഈ ഉജ്ജ്വല നേട്ടത്തിലേക്ക് നയിച്ചത്. മുഫ്ലിഹ് സമാൻ മുജീബ് സഹോദരനാണ്.അഭിമാനകരമായ ഈ നേട്ടത്തെ തുടർന്ന് മെഹ്ഫിലിന് ബഹ്റൈനിലെ പ്രവാസി സമൂഹത്തിൽ നിന്നും നാട്ടിൽ നിന്നും അഭിനന്ദന പ്രവാഹമാണ് ലഭിച്ചുകൊണ്ടിരിക്കുന്നത്.
