പ്രവാസി സമൂഹത്തിനായി നിയമ ബോധവത്കരണവും സുരക്ഷിത കുടിയേറ്റ അവബോധവും ലക്ഷ്യമാക്കി പ്രവാസി ലീഗൽ സെൽ (PLC) ബഹ്റൈൻ ചാപ്റ്റർ സംഘടിപ്പിക്കുന്ന “കണക്റ്റിംഗ് പീപ്പിൾ – 7-ാം പതിപ്പ്” പരിപാടി ജൂൺ 12 വെള്ളിയാഴ്ച വൈകുന്നേരം 7 മണി മുതൽ 9 മണി വരെ സെഗയ്യയിലെ BMC ഓഡിറ്റോറിയത്തിൽ നടക്കും.പ്രവാസികൾ, തൊഴിലാളികൾ, സാമൂഹിക പ്രവർത്തകർ, വിവിധ മേഖലകളിലെ പ്രൊഫഷണലുകൾ എന്നിവർക്കായി സംഘടിപ്പിക്കുന്ന ഈ ബോധവത്കരണ പരിപാടി നിയമ അവബോധം, സുരക്ഷിത കുടിയേറ്റം, തൊഴിലാളി അവകാശങ്ങൾ, പരാതി പരിഹാര സംവിധാനങ്ങൾ, സാമൂഹിക സംരക്ഷണം, സമൂഹ ക്ഷേമം തുടങ്ങിയ വിഷയങ്ങളിൽ അറിവും മാർഗനിർദേശവും നൽകുന്നതിനാണ് ലക്ഷ്യമിടുന്നത്.
“കണക്റ്റിംഗ് പീപ്പിൾ” പരിപാടിയുടെ ഭാഗമായി സേഫ് മൈഗ്രേഷൻ, തൊഴിലാളി സംരക്ഷണം, നിയമപരമായ അവകാശങ്ങൾ, പ്രവാസികൾ നേരിടുന്ന വെല്ലുവിളികൾ തുടങ്ങിയ വിഷയങ്ങളെ ആസ്പദമാക്കി ഒരു ഇന്ററാക്ടീവ് ടോക്ക് ഷോയും അവബോധ സെഷനും സംഘടിപ്പിക്കും. നിയമ വിദഗ്ധർ, അഭിഭാഷകർ, സാമൂഹിക പ്രവർത്തകർ, കമ്മ്യൂണിറ്റി നേതാക്കൾ, വിവിധ മേഖലകളിലെ വിദഗ്ധർ എന്നിവർ പരിപാടിയിൽ പങ്കെടുക്കും.സുരക്ഷിത കുടിയേറ്റ നയങ്ങൾ, ഉത്തരവാദിത്വമുള്ള റിക്രൂട്ട്മെന്റ്, തൊഴിൽ നിയമങ്ങൾ, നിയമപരമായ സംരക്ഷണ മാർഗങ്ങൾ, പരാതി പരിഹാര സംവിധാനങ്ങൾ, പ്രവാസികൾക്ക് ലഭ്യമായ സഹായ സംവിധാനങ്ങൾ തുടങ്ങിയ വിഷയങ്ങളിൽ പങ്കാളികൾക്ക് പ്രായോഗിക അറിവും ഉപകാരപ്രദമായ മാർഗനിർദേശങ്ങളും ലഭ്യമാകും.
നിയമ ബോധവത്കരണം, സുരക്ഷിത കുടിയേറ്റം, വ്യക്തികളുടെ ക്ഷേമം എന്നിവ പരസ്പരം ബന്ധപ്പെട്ട വിഷയങ്ങളാണെന്നും, സമൂഹത്തെ കൂടുതൽ അറിവുള്ളതും ഉത്തരവാദിത്വബോധമുള്ളതുമായതാക്കാൻ ഇത്തരം പരിപാടികൾ സഹായകരമാണെന്നും സംഘാടകർ അറിയിച്ചു.പ്രവാസി സമൂഹത്തിലെ എല്ലാ അംഗങ്ങളെയും, തൊഴിലാളികളെയും, യുവജനങ്ങളെയും, വനിതകളെയും, സാമൂഹിക സംഘടനാ പ്രതിനിധികളെയും, പൊതുജനങ്ങളെയും പരിപാടിയിൽ പങ്കെടുക്കാൻ പ്രവാസി ലീഗൽ സെൽ ബഹ്റൈൻ ചാപ്റ്റർ സാദരം ക്ഷണിച്ചു.
കൂടുതൽ വിവരങ്ങൾക്കും :39461746 / 39873488 / 36740427 / 33561952..pravasilegalcelbahrain@gmail.com
