2022 ലെ സ്‌കൈ ട്രാക്‌സ് വേൾഡ് എയർലൈൻ അവാർഡെന്ന അന്താരാഷ്ട പുരസ്‌കാരമാണ് ഗൾഫ് എയർ കരസ്ഥമാക്കിയത്. ലണ്ടനിലെ ലാങ്ഹാം ഹോട്ടലിൽ വച്ചാണ് അവാർഡ് സമ്മാനിച്ചത് .യാത്രക്കാര്‍ക്ക് കൂടുതല്‍ മികച്ച സേവനങ്ങള്‍ നല്‍കുന്നതിന് 2018ല്‍ ഗള്‍ഫ് എയര്‍ ആരംഭിച്ച പദ്ധതിയുടെ വിജയമാണ് പുരസ്കാര നേട്ടത്തിലേക്ക് നയിച്ചത്.അതിൽ തന്നെ കഴിഞ്ഞ വര്‍ഷങ്ങളില്‍ എയർ ലൈൻ കൈവരിച്ച സേവനമികവ് പരിഗണിച്ചാണ് പുരസ്കാരത്തിന് അർഹമായത്.യാത്രക്കാർക്ക് നൽകി വരുന്ന സേവനങ്ങൾ അടക്കം വിവിധ മേഖലകളില്‍ ഗള്‍ഫ് എയര്‍ പുരോഗതി കൈവരിച്ചതായും പുരസ്കാര നിര്‍ണയ സമിതിയും വിലയിരുത്തി.
ലക്ഷ്യമിട്ട പദ്ധതി വിജയകരമായതിലും നേട്ടത്തിലും അഭിമാനമുണ്ടെന്ന് ബഹ്‌റൈൻ വ്യവസായ, വാണിജ്യ മന്ത്രിയും, ഗള്‍ഫ് എയര്‍ ഡയറക്ടര്‍ ബോര്‍ഡ് ചെയര്‍മാനുമായ സായിദ് റാഷിദ് അല്‍സയാനി പ്രതികരിച്ചു. ജീവനക്കാരുടെയും മാനേജ്മെന്റിെന്റയും കഠിനാധ്വാനവും അര്‍പ്പണ മനോഭാവവുമാണ് ഈ നേട്ടത്തിന് പിന്നിലെന്നും അദ്ദേഹം പറഞ്ഞു.
